شاته
غزل
زه شوم آيينه چې ګورم ستا په لور
زه شوم آيينه چې ګورم ستا په لور
خير که اوس نظر نه کړې زما په لور
ته رټل شړل کړه زه وفا کوم
سترګې خو د سپي وي د آقا په لور
شو چې سپوږمۍ مخيه مې نظر په تا
نه کړمه نظر د توتيا په لور
ګوره مې همت چې ستا طلب کوم
پورته مې قدم د کبريا په لور
سترګو ته زما تورې تېرې ووې
تور به مو سپين سپين شي د سبا په لور
پرانيزه لبان چې زه رنځور يمه
بيا څه اشاره کړې د دوا په لور
لور دې د هجران کړې دوه ټوټې زما
ګوري ما له رشکه نن زما په لور
زه حمزه د زړه له کوره تلی یم
یم لکه چې غږ وي د صحرا په لور